चितवन नवौं फर्मा एक्स्पो-२०२४ सुरु

काठमाडौँ-  चितवनमा नवौं फर्मा एक्स्पो-२०२४ सुरु भएको छ।

नेपाल औषधि उत्पादक संघ (एपोन) ले ‘नेपालमा औषधि उद्योगको विकास तथा दिगोपनको संवाहक’ भन्ने मूल नाराका साथ नवौं फर्मा एक्स्पो आयोजना गरेको हो।

चितवन एक्स्पो सेन्टर भरतपुरमा शुक्रबारदेखि शुरु तीन दिने ‘एक्स्पोमा १६० वटा स्टलहरु छन्।

नेपाल, भारत, सिंगापुर, बंगलादेश, अमेरिका, जर्मनी, चीन लगायत ९ देशहरूले उत्पादनमा प्रयोग गर्ने उपकरण, ल्याब, कच्चा पदार्थ र नेपाली औषधि उद्योगले बनाएका औषधिको स्टल समेत प्रदर्शनीमा राखिएको औषधि उत्पादक संघका पुर्व अध्यक्ष शंकर घिमिरेले जानकारी दिनु भयो ।

आर्थिक

मन्दिका कारण मुलुकका राष्ट्रिय उद्योगहरु धरासायी बन्दै गइरहेको अबस्थामा एक्स्पोले सकारात्मक सन्देश दिने उहाँको भनाइ थियो।

करिब २५ हजार बढीले एक्स्पोको अवलोकन गर्ने आयोजकको अनुमान छ।।