म्याग्दीकाे अन्नपूर्णका ४ सय घरमा शुद्ध खानेपानी
म्याग्दी- रिना बुद्धुजा अहिले आफ्नै घरको आगनको धारामा २४ सै घण्टा पानि आउँदा खुशी देखिनुहुन्छ । केही दिनअघि सफा खानेपानी लिनका लागि ३० मिनेटको बाटो हिडेर तल जानुपर्ने, आउदा उकालो हुने भएकाले करिब ४५ मिनेट लागेको उहाँ बताउनुहुन्छ । ‘शुद्ध खानेपानी नहुदा बच्चाहरु बिमारी हुन्थ्ये, त्यही पानि पनि हिउँदमा सुक्ने बर्षादमा लेदो आउने गर्छ ।’ बुद्धुजाले भन्नुभयो– ‘९१ दिनमा नै घरमा शुद्ध खानेपानि आएको छ ।’
म्याग्दीको अन्नपूर्ण गाउँपालिका–६ खिबाङकी रिना मात्र होईन । गाउँपालिकाका विभिन्न वडाका करिब चार सय घरपरिवारमा शुद्ध खानेपानी धारा जडान गरिएको छ । गोर्खा वेल्फेयर ट्रष्टको आर्थिक सहयोग र स्थानीयको श्रमदानमा पालिकाका तिन वडाका ३८७ घरपरिवारमा शुद्ध खानेपानी जडान गरिएको हो ।
गाउँपालिकाको वडा नम्बर ६ खिबाङमा कुल एक करोड एक लाख लागतमा निर्माण भएको खानेपानी आयोजनाको दुई ठाउँमा इन्टेक, विभिन्न ठाउँमा सात वटा रिर्जभ ट्याङ्की बनाईएको खिबाङ खानेपानी आयोजना उपभोक्ता समितिका अध्यक्ष जयराम बिकले बताउनुभयो ।
गाउँदेखि ६ किलोमिटर टाढाको मुहानबाट लिईएको खानेपानी आयोजनाका लागि ७३ लाख ट्रष्टको लगानी र ३१ लख समुदायको जनश्रमदान गर्ने गरी २०८० मंसिर १६ गतेदेखि सुरुभई फागुन ३० मा सम्पन्न भएको हो ।
गाउँमा निर्माण गरिएका १४२ धारा मध्ये १३६ घरपरिवारका लागि र अन्य धारा सामुदायिक स्थानमा राखिएको बिकले बताउनुभयो ।
गाउँपालिकाको वडा नम्बर ६ खिबाङ,४ को पटार,छेम्दी ३ को दाना बजार,दवाडी र काभ्रेमा निर्माण भएको खानेपानी योजनाबाट करिब एकहजार नौंसय जनसंख्या लाभान्वित भएको गोर्खा वेल्फेर ट्रष्टका कन्ट्रक्सन इन्जिनियर लिला पुन शेरचनले जानकारी दिनुभयो ।
वडा नं. ४ छेम्दीमा कुल ६४ लाखमा सम्पन्न भएको आयोजनामा ४२ लाख ट्रष्ट र २२ लाख जनश्रमदानमा ७२ वटा धारा निर्माण गरिएको छ । खानेपानी आयोजनाबाट ३१० जना लाभान्वित भएको शेरचनले बताउनुभयो । वडा नं. ३ काभ्रेमा ४३ लाख ट्रष्टको २२ लाख समुदायको श्रमदान गरी ६५ लाखमा निर्माण गरिएको ७५ वटा धाराबाट ३५३ जनाले शुद्ध खानेपानी पाएका छन् ।
साथै आगमी आर्थिक वर्षमा वडा नम्बर ४ नारच्याङमा दुईवटा खानेपानी योजना संचालन गरिने उहाँले जानकारी दिनुभयो । नारच्याङको बेसी र लेखगाउँमा संचालन गरिने योजनाका लागि एक करोड १५ लाख रुपियाँ गोर्खा वेल्फेर ट्रष्टले खर्च गर्ने छ । उहाँका अनुसार यी योजनाहरुमा करिब दुई करोड ४१ लाख खर्च भएको छ ।
साथै आगमी आर्थिक वर्षमा वडा नम्बर ४ नारच्याङमा दुईवटा खानेपानी योजना संचालन गरिने उहाँले जानकारी दिनुभयो ।
नारच्याङको बेसी र लेखगाउँमा संचालन गरिने योजनाका लागि एक करोड १५ लाख रुपियाँ गोर्खा वेल्फेर ट्रष्टले खर्च गर्ने छ । गोर्खा वेल्फेयर ट्रष्ट नेपाल, उत्थानशील खानेपानी, सरसफाइ तथा विपद तयारी कार्यक्रमका निर्देशक दिपक कुमार श्रेष्ठले ेपालको कुल जनसंख्या मध्ये ग्रामीण भेगमा बसोबास गर्दै आएका ३ प्रतिशत जनसंख्यामा गोर्खा वेल्फेयर ट्रष्ट नेपालको आर्थिक सहयोगमा निर्माण भएका खानेपानीको पहुँच पुगेको बताउनुभयो । उहाँले ५१ जिल्लामा २ हजार ३८० वटा खानेपानी योजनाहरु निर्माण गरी ३ प्रतिशत जनसंख्यामा खानेपानी सेवाको पहुँच पु¥याउन सफल भएको जानकारी गराउनुभयो ।
गाउँपालिका भित्रका जनतालाई स्वच्छ र शुद्ध खानेपानीको पहुँचमा पुराउन पालिकाले चालु आर्थिक बर्षमा ३० लाख बजेट समेत विनियोजन गरेको गाउँपालिका अध्यक्ष भारतकुमार पुनले बताउनुभयो ।
पालिकाले विभिन्न संघ संस्थाहरुको सहयोगमा समेत खानेपानी आयोजना संचालन गरी एक घर एक धारा निर्माण गरिएको बताउनुभयो ।।
प्रतिक्रिया राख्नुहोस्