स्रोत नखुलेको ११ लाख नोटसहित एकजना पक्राउ

रौतहट- स्रोत नखुलेको ११ लाख नोट नगदसहित रौतहटमा एकजना पक्राउ परेका छन् । जिल्ला प्रहरी कार्यालयले विशेष सुचनाको आधारमा खटिएका, रौतहटका गौर नगरपालिका वडा नं. १ शिवालय मन्दिर अगाडी सार्वजनिक चाटोमा शिवालय मन्दिर तर्फ साईकल चलाई आउदै गरेको अवस्थामा, साविक गौर नगरपालिका वडा नं. २ हाल गौर नगरपालिका वडा नं. १ का ५६ वर्षीय बिरेन्द्रकुमार जयसवालबाट साे रकम फेला परेकाे हाे ।
उक्त रकम बारे सोधपुछ गर्दा स्रोत खुलाउन नसकेकोले निम्न उल्लेखित स्रोत नखुलेको नोट समेत बरामद गरी आवश्यक कारवाहिको लागी गौर भन्सार कार्यालय, रौतहटमा बुझाईएको प्रहरी नायव उपरीक्षक एलिजा गिरीले जानकारी दिनुभयाे ।।