लगातार परेको वर्षाले वीरगंजको सहरी क्षेत्र डुबानमा (तस्वीर सहित)
पर्सा- गएरातीदेखि लगातारको परेको वर्षाले वीरगन्ज महानगरपालिकाको एक दर्जन भन्दा बढी वडाहरुलाई डुबानमा पारेको छ ।
लगातार परेको आकासे पानीले महानगरपालिकाको छपकैया, बजार छपकैया, घडिअर्वा, रानीघाट, श्रीपुर, नगवा, राधेमाई लगायतका सहरी वडाहरुलाई डुवानमा परेको छ ।
वर्षाको पानी सडकमै जम्मा भई सर्वसाधारको घरभित्र पसेको छ भने, सडकमा पानी जमेकै कारण केही स्थानमा सवारी दुर्घटनासमेत भएका छन् ।
नगरमा जमेको पानीलाई निकास दिन बिहानैदेखि उपकरण तथा व्यक्ति परिचान गरेको वीरगन्ज महानगरपालिकाको सरसफाई शाखाका प्रमुख सरफुदिनु मियाले जानकारी दिनुभयो ।
उहाँले डुबान भएका क्षेत्रमा रहेका नालाहरुको सफाई गर्न विहान ५ बजेदेखि आवश्यक उपकरण तथा व्यक्ति परिचालन गरिएको बताउनुभयो ।
लगातर परेको पानीले एकातर्फ सहरी क्षेत्रमा डुबानको समस्या सिर्जना गरेको छ भने यसबाट पर्सा जिल्लाका किसान खुसी भएका छन् ।
पानी अभावका कारण धानको रोई नभइरहेको बेला परेको आकाशे पानीले रोपाईमा टेवा पुर्याएको साथै किसानहरुले बताएका छन् । पर्सा जिल्लामा कुल ५४ हजार ५ सय हेक्टर खेतियोग्य जग्गा रहेको छ भने सो मध्य ४७ हजार हेक्टरमा असारे धानको खेती हुने गरेको छ ।
प्रतिक्रिया राख्नुहोस्