नवनियुक्त सञ्चारमन्त्री गुरुङद्वारा पदभार ग्रहण

काठमाडौँ-सञ्चार तथा सुचना प्रविधि मन्त्री पृथ्वी सुब्बा गुरुङले पदभार ग्रहण गर्नुभएको छ ।

नयाँ सञ्चारमन्त्रीको रुपमा राष्ट्रपति रामचन्द्र पौडेलसामु शपथ लिए लगत्तै गुरुङले मन्त्रालयमा पुगेर पदभार ग्रहण गर्नुभएको हो ।

नेकपा (एमाले) का नेता गुरुङ लमजुङबाट प्रतिनिधि सभामा निर्वाचित हुनुभएको हो ।

गुरुङले वाम–लोकतान्त्रिक गठबन्धनका तर्फबाट नेकपा (माओवादी केन्द्र) का उम्मेदवार देवप्रसाद गुरुङलाई हराउनुभएको थियो ।।