माओवादी, रास्वपा र नेकपा एकीकृत समाजवादीका नेताहरुको बैठक: साझा धारणा बनाएर अघि बढ्ने

काठमाडौँ- नेकपा माओवादी केन्द्रसहित प्रतिपक्षी तीन दलले वर्तमान सरकार संविधानको कमजोर जगमा टेकेर बनेको निष्कर्ष निकालेका छन ।

सिंहदरबारमा बसेको माओवादी, रास्वपा र नेकपा एकीकृत समाजवादीका नेताहरुको बैठकले ठूला दुई दल कांग्रेस र एमालेको सरकार संविधानको कमजोर जगमा टेकेर बनेको निष्कर्ष निकालिएको माओवादी केन्द्रका उपमहासचिव वर्षमान पुनले जानकारी दिनुभयो ।

प्रधानमन्त्रीले विश्वासको मत नपाएपछि सरकार संविधानको ७६ (३) अनुसार नयाँ सरकार गठन हुनुपर्नेमा संविधानको ७६ (२) अनुसार गठन भएकाले यो बिषयलाई सदनमा सशक्त रुपमा उठाउने सहमति भएको उहाले बताउनुभयो ।

त्यस्तै नेकपा एकीकृत समाजवादीका नेता राजेन्द्र पाण्डेले प्रधानमन्त्रीले विश्वासको मत लिने विषयमा प्रतिपक्षी दलसँग साझा धारणा बनाएर अघि बढने बताउनुभयो ।।