क्रोएसियाको एक नर्सिङहोममा बन्दुकधारीले गोली चलाउँदा ६ जनाको मृत्यु
![](https://nepaltvonline.com/wp-content/uploads/2024/07/nurshing-fire.png)
क्रोएसियाको एक नर्सिङ होममा एक बन्दुकधारीले गोली चलाउँदा कम्तीमा ६ जनाको मृत्यु भएको अधिकारीहरूले बताएका छन् ।
अज्ञात बन्दुकधारीले जाग्रेबबाट करिब एक सय ३० किलोमिटर पूर्वमा रहेको दारुवरमा रहेको एउटा नर्सिङ होममा प्रवेश गरी गोली चलाउदा सो हताहती भएको बताइएको छ ।
उक्त घटनामा कम्तीमा ६ जनाको मृत्यु भएको र कैयौँ घाइते भएको एचआरटीले जनाएको छ । अपराधमा संलग्न व्यक्ति प्रहरीले नियन्त्रणमा लिएको त्याहाको प्रहरीले एजनाएको छ ।
क्रोएसियाको प्रधानमन्त्री एन्ड्रेज प्लेन्कोभिकले घटनाको विस्तृत अनुसन्धान गर्न सम्बन्धित अधिकारीहरूलाई निर्देशन दिनु भएको छ । क्रोएसियाली अखबार जुटार्नजी लिस्टले कथित गोली हान्ने व्यक्तिलाई सेवानिवृत्त सैन्य प्रहरी अधिकारी रहेको बताइएको छ ।
प्रतिक्रिया राख्नुहोस्