लायन्स डिस्ट्रिक्ट-३२५, नेपालको पहिलो बैठक भदौ १ गते पोखरामा हुने

काठमाडौँ- लायन्स क्लव अफ पोखरा पिस भ्याली (Lions Club of Pokhara Peace Valley) को आयोजनामा Lions District-325 J, Nepal को पहिलो क्याबिनेट बैठक आगामी भदौ १ गते  हुने भएको छ ।

पर्यटकीय सहर पोखराको इभेण्ट सेण्टर, बुलौदी, लेकसाइडमा हुन गइरहेको सो बैठकमा लायन्स इन्टरनेशनलका डाइरेक्टर बालकृष्ण बुर्लाकोटी प्रमुख अतिथि हुनुहुने आयोजक तथा डिस्ट्रिक्ट गभर्नर मिलन थापाले जानकारी दिनुभएको छ ।

बैठकका लागि क्लबका पूर्व अध्यक्ष रामकृष्ण पौडेलको संयोजकत्वमा क्लबका सम्पुर्ण पदाधिकारी एबम् सदस्यहरु सहितको मुल आयोजक समिति बनाएर तयारीलाई तिब्रता दिइएको सस्थापक अध्यक्ष सुदिप ओझाले जानकारी दिनुभएको छ।

कार्यक्रमलाई सफल बनाउन बिभिन्न १७ वटा उपसमितिहरु बनाइएका छन ।

देशभरबाटै यस डिस्ट्रिकमा आबद्द लायन्स सदस्यहरुलाई उपसमितिमा राखिएको छ ।

सोही अबसरमा संस्थाको स्मारिका प्रकाशन गर्ने तयारी पनि छ ।

स्मारिकाका लागि शुभकामना, लेख, रचना एबम् बिज्ञापन संकलन भइरहेको स्मारिका प्रकासन समितिका संयोजक कृष्ण न्यौपानेले जानकारी दिनुभएको छ।

सो बैठकमा १८०० भन्दा धेरै लायन्सहरु सहभागी हुने क्लबका अध्यक्ष राजन पन्थीको भनाइ छ ।।