ढलले बगाउँदा एक महिलाको मृत्यु

काभ्रेपलाञ्चोक –  धुलिखेल नगरपालिका वडा नम्बर ५ श्रीखण्डपुरमा रहेको ढलले बगाउँदा एक महिलाको मृत्यु भएको छ ।

मृत्यु हुनेमा जिल्ला रामेछाप खाँडादेवी गाउँपालिका वडा नम्बर ३ घर भइ हाल पनौती नगरपालिका वडा नम्बर ५ नैकिनटार बस्ने ५० वर्षीय भगवती भागदास रहेको जिल्ला प्रहरी कार्यालय काभ्रेपलाञ्चोकले जनाएको छ ।

बागदासलाई आज विहान अन्दाजी १०: ४५ तिर ढलले बगाएको थियो । खोजतलास गर्ने क्रममा ११: ३५ बजे बगाएको स्थानबाट अन्दाजी ३०० मिटर तल खेतमा तैरीएको अवस्थामा मृत फेला परेको जिप्रका काभ्रेपलाञ्चोकले जनाएको छ ।