बिद्यालय जाँदै गरेकी शिक्षिकाको पहिरोमा परेर मृत्यू

खोटाङ –   खोटाङमा बिद्यालय जाँदे गरेकी शिक्षिकाको पहिरोमा परेर मृत्यू भएको छ । बिद्यालय जाँदै गरेकी रावाबेंसी गाउँपालिका–३ लामिडाडाँकी साबित्रादेबी नेवारको पहिरोमा परी मृत्यू भएको हो ।

बिश्वज्योति माबि लामिडाडाँमा कार्यरत शिक्षिका नेवारलाई वडा कार्यालय नजिकै बिहिबार बिहान पहिरोले पुरेको हो । बिद्यालय पुग्न करिब डेढ सय मिटर बाँकी हुँदा नेवारलाई पहिरोले पुरेको गाउँपालिकाका अध्यक्ष फटिककुमार श्रेष्ठले बताउनुभयो ।

तल्लो सडकबाट बिद्यालय हिँडिरहेकी शिक्षिकालाई माथिल्लो सडकबाट खसेको पहिरोले पुरेको स्थानीयले जनाएको छ ।  शिक्षिका नेवारसँगै हिँडिरहेका आफनत भने भागेर बाँच्न सफल भएको बताईएको छ । पुरिएकी मृतक शिक्षिकाको शबलाई प्रहरी तथा स्थानीयले खनेर निकालेको वडा नम्बर तीनका वडाध्यक्ष बीरेन्द्र मगरले सुनाउनुभयो । लामो समय शिक्षण पेशामा बिताउनुभएकी साबित्रादेबीको अनिबार्य अवकाश हुन केही समय मात्र बाँकी रहेको थियो । ।