अविरल बर्षापछिको बाढीले जीतपुरसिमराको शान्ति टोल डुबानमा
बारा- अविरल वर्षासँगै आएको बाढीले जीतपुरसिमरामा एक घर र कार बगाउनुका साथै पूरै बस्तीमा क्षति पुर्याएको छ ।
वर्षासँगै आएको बाढी बस्तीमा पसेपछि बाराको जीतपुरसिमरा उपमहानगरपालिका-२ शान्तिटोलमा भाङ्ग्रे खोलाको बाढी बस्तीमा पसेको हो ।
स्थानीयले कारमा सबार यात्रुको उद्दार गरेका छन् ।
त्यसैगरी जीतपुरसिमरा उपमहानगरपालिका-५ स्थित खाल्का टोल डुबानमा परेको छ ।
अत्यधिक वर्षापछि आएको बाढीले सयौं घर रहेको बस्ती डुबानमा परेको हो । बस्ती डुबानमा परे पनि मानवीय क्षति भने हुन पाएन ।
वर्षाले सोही वडामा रहेको सशस्त्र प्रहरीको बेस क्याम्प, स्वास्थ्य चौकी समेत डुबानमा परेको छ ।
अबिरल बर्षासंगै आएको बाढीले जीतपुरसिमराको सिमरा बजार, एयरपोर्ट रोड, पावर हाउस, नरबस्ती, बजनी जलमग्न बनेको छ । वर्षा रोकिएपछि बजार क्षेत्रमा आएको बाढी घटेको छ ।
बर्षाले सडक जलमग्न भएपछि विद्यालयले आकस्मिक सूचना जारी गर्दै विद्यालय बन्द गरेका छन् ।।
प्रतिक्रिया राख्नुहोस्