मलेसियामा अधिवक्ता राजेन्द्र शर्मा र कलाकारहरु सम्मानित

काठमाडौँ- चौँथो ग्लोबल आर्ट,कल्चर एण्ड टुरिजम कन्फ्रेन्समा न्यायरकला सम्मानबाट राजेन्द्र शर्मा सम्मानित हुनुभएको हो ।

मलेसियामा आयोजित एक विशेष समारोहवीच अधिवक्ता शर्मालाई सम्मान गरिएको हो ।

अधिवक्ता शर्माले वैदेशिक रोजगार ठगी, मानव वेचविखन, हिंसा पीडित महिला, बालबालिका र जेष्ठ नागरिकको पक्षमा महत्वपूर्ण कानूनी योगदान पुर्‍याएबापत सम्मान गरिएको ग्लोबल आर्ट, कल्चर एन्ड टुरिजमका अध्यक्ष एवं अभिनेता श्रीदेव भट्टराईले जानकारी दिनुभयो ।

यसैगरी राजेन्द्र शर्माले सामाजिक सद्भाव बढाउने खालका गीतहरु लेखी सांगितिक क्षेत्रबाट पनि समाजलाई योगदान गरेको भन्दै न्याय र कला सम्मान एकैपटकमा प्रदान गरिएको अध्यक्ष भट्टराको भनाइ थियो ।

लैंगिक न्याय सम्बन्धि कानूनी विशेषज्ञ शर्मा विगत २९ वर्षदेखि पीडित महिला तथा बालबालिकाको क्षेत्रमा कानुनी सहायता प्रदान गर्दै आउनुभएको छ । पछिल्लो समय उहाँले काठमाडौंमा रहेर पीडितका लागि न्याय अभियान अन्तरगत हिंसा पीडित महिला तथा बालबालिकाको निःशुल्क कानुनी सहायता पनि प्रदान गर्दै आउनु भएको छ ।

यसैगरी, चौँथो ग्लोबल आर्ट,कल्चर एण्ड टुरिजम कन्फ्रेन्समा कला सम्मानबाट बरिष्ठ कलाकार शिवहरि नेपाल (बैरागी), सङ्गित सम्मान बरिष्ठ गायक एवं सङ्गितकार नरहरि प्रेमी र कला सम्मान पवन प्रसाद खतिवडा (बाबा) सम्मानित हुनुभएको छ ।

कलाकारिता सम्मानबाट गोपाल ढकाल छन्दे , व्यावसाय सम्मानबाट बिमान कार्की, गायन सम्मानबाट सितादेवी दुरा, शोभा क्षेत्री र राधिका खत्री (राधा), निर्माण एवं कला सम्मानबा राम सिहं तामाङ (प्रबल थिङ), समाजसेवी सम्मानबा सोभित उप्रेती, प्रबिन घिसिङ र बद्री प्रसाद उप्रेती सम्मानित हुनुभएको छ ।

चौँथो ग्लोबल आर्ट, कल्चर एण्ड टुरिजम कन्फ्रेन्स मलेसियाको क्वालालाम्पुर भएको हो ।

आरसी एसिया प्यासिफिक एनआरएनएका प्रमुख हरि भट्टराईको प्रमुख आतिथ्यतामा सम्पन्न उक्त कन्फ्रेन्समा मलेसियास्थित नेपाली राजदूतावासका कार्यवाहक राजदूत मोदिता बज्राचार्य, कलाकार, पत्रकार, समाजसेवी, शिक्षाविद, व्यवसायीहरू, विभिन्न क्षेत्रका प्रतिष्ठित व्यक्तिहरू लगायत नेपालबाट समेत करिब दुई दर्जन बढी विशिष्ट व्यक्तिहरूको सहभागिता थियो।

नेपाली कला संस्कृति एवं पर्यटनको प्रवर्द्धन गर्ने उद्देश्यले विभिन्न देशमा आयोजना हुँदै आएको उक्त कन्फ्रेन्सले मलेसियामा नेपालको पर्यटन र कला संस्कृतिको विकासमा योगदान पुर्‍याएको कार्यवाहक राजदूत  बज्राचार्यले बताउनुभयो।

कार्यक्रमका प्रमुख अतिथि भट्टराईले आफू मलेसियामा करिब २५ वर्षदेखि रहँदै आएको धेरै नेपालीको साथ र सहयोग रहेको कार्यक्रममा जानकारी गराउनुभयो ।

नेपाली कला, संस्कृति, पर्यटन व्यवसाय, भाषा, साहित्यलाई गहकिलो रुपमा मलेसियामा स्थापित गर्न चाहेको र यसको लागि आफूले सबैसँग सहकार्य गर्ने भट्टराईको भनाइ थियो ।

यस्ता कार्यक्रमले दुई देश बीचको सम्बन्धलाई अझ बलियो बनाउनुको साथै कुनै पनि समस्या पर्दा नेपाली-नेपाली बीच भाइचाराको भावना अभिवृद्धि हुने उहाँले उल्लेख गर्नुभयो ।।

प्रतिक्रिया राख्नुहोस्

Back to top button

Adblock Detected

Please turn off the Ad Blocker to browse our secure website.