काँग्रेस पदाधिकारी र पूर्व पदाधिकारीहरुको बैठक भोलि

काठमाडौँ- नेपाली काँग्रेसका पदाधिकारीहरुको बैठक भोलि विहान बस्ने भएको छ।

काँग्रेस सभापति शेरवहादुर देउवाले भोलि विहान ८:३० बजे आफ्नै निवास बुढानिलकण्ठमा बैठक डाक्नु भएको हो ।

काँग्रेसका पदाधिकारीहरु, पूर्व पदाधिकारीहरु र केही सिनियर नेताहरुको संयुक्त बैठक सभापति देउवा निवास बुढानिलकण्ठमा भोलि विहान बस्ने काँग्रेसका मुख्य सचिव कृष्ण पौडेलले जानकारी नेपालटिभीअनलाइनलाई जानकारी दिनुभयो ।

पौडेलका अनुसार समसामयिक विषयमा छलफल गर्न पदाधिकारी बैठक डाकिएको हो ।

तर प्रतिनिधि सभाकी उपसभामुख इन्दिरा रानाको विषयमा छलफल गर्न पदाधिकारी बैठक डाकिएको काँग्रेसका नेताहरुको भनाइ छ ।

संसदमा आज नेपाली काँग्रेस र एमालेका सांसदहरुले केही युवाहरुलाई अमेरिकाका लागि भिषा सिफारिस गरेर विवादमा आएकी उपसभामुखले मार्ग प्रशस्त गर्नुपर्ने माग गरेका थिए ।

आज दिनभर संचारमाध्यहरुले सत्तारुढ दलहरुले उपसभामुखलाई राजीनामा दिन आग्रह गर्ने र अटेर गरे महाअभियोग लगाएर हटाउने तयारी गरेको भनी समाचारहरु प्रकाशन र प्रसारण गरेका थिए ।

माओवादी केन्द्र र रास्वपाका सासंदहरुले भने उपसभामुखमाथि महाअभियोगको प्रस्ताव ल्याइए प्रतिवाद गर्ने जनाएका छन ।।