बाढी प्रभावित काभ्रेका तीन वटा स्थानीय तहलाई काठमाडौँ महानगरको सहयोग

काठमाडौँ-  काभ्रेका बाढी प्रभावित ३ वटा स्थानीय तहलाई राहत र पुन:स्थापनाका लागि काठमाडौँ महानगरपालिकाले सहयोग गर्ने भएको छ ।

काभ्रेपलाञ्चोक जिल्लाका बाढी प्रभावित ३ वटा स्थानीय तहलाई बाढीजन्य विपदबाट पुगेको क्षति पुनःस्थापना तथा संकट व्यवस्थापन गर्न राहतका लागि काठमाडौँ महानगरपालिकाले २०/२० लाख रुपैयाँ अनुदान सहयोग उपलब्ध गराउने निर्णय गरेको हो।

महानगरपालिकाका प्रमुख बालेन्द्र शाह (बालेन) को अध्यक्षतामा आज बसेको महानगर विपद व्यवस्थापन समितिको बैठकले सिधै विपद प्रभावित पालिकाहरुको कोषमा सहयोग रकम उपलब्ध गराउने निर्णय गरेको हो । यसरी सहयोग प्रदान गरिने पालिकाहरुमा पनौती नगरपालिका, रोशी गाउँपालिका र वेथानचोक गाउँपालिका छन् ।