हात्तीको आक्रमणबाट बारामा एक जनाको मृत्यु

बारा- बाराको कोल्हबी नगरपालिका वडा नं. २ निवासी ६३ वर्षीय हस्त बहादुर ठोकरको हात्तीको आक्रमणबाट मृत्यु भएको छ ।

बिहान घाँस काट्न गएका ठोकरलाई हात्तीले आक्रमण गरेको थियो । अबेरसम्म घाँस लिएर घर नफर्केपछि परिवारका सदस्य र गाउँले मिलेर जङ्गलमा खोज्ने क्रममा साँझ उनी मृत  अवस्थामा फेला परेका थिए ।

खोज्ने क्रममा ठोकर मृत भेटिएपछि स्थानीयले प्रहरीलाई खबर गरेको जिल्ला प्रहरी कार्यालय बाराका प्रहरी प्रवक्ता प्रकाश
सापकोटाले बताउनु भएको छ ।

मृतक ठोकरको शव परीक्षणका लागि प्रादेशिक अस्पताल कलैयामा पठाइएको प्रहरीले जनाएको छ ।

केही दिन अगाडि कोल्हवी नगरपालिका–२ मै एउटा हात्ती करेन्ट लागेर मृत अबस्थामा फेला परेको थियो ।।