देउसीभैलोमा नाचिरहेकाहरुमाथि बस पल्टिँदा २ जनाको मृत्यु, १८ जना घाइते

अर्घाखाँची- अर्घाखाँचीको भूमिकास्थान नगरपालिकास्थित जयठाटीमा भएको बस दुर्घटनामा मृत्यु हुनेको सङ्ख्या दुई पुगेको छ । सो दुर्घटनामा १८ जना घाइते भएका छन ।

भूमिकास्थान वडा नं ५ र ६ को सिमाना पर्ने जयठाटीमा आज साँझ देउसीभैलो नाचिरहेको स्थानमा ना ३ ख २४७१ नं को बसको ‘ब्रेक फेल’ हुँदा दुर्घटना भएको थियो ।

बसले भैलो खेलिरहेकाहरूलाई ठक्कर दिएकामा एक महिलाको घटनास्थलमै मृत्यु भएको थियो भने अर्घाखाँची अस्पतालमा उपचारका क्रममा २२ वर्षीय तारा श्रेष्ठको मृत्यु भएको प्रहरी नायब उपरीक्षक चक्रबहादुर मल्लले जानकारी दिनुभयो ।।