गढीमाई क्षेत्रको विकासका लागि सक्दो सहयोग गर्छु महामन्त्री गगन थापा

बारा – नेपाली काँग्रेसका महामन्त्री एवम् पूर्व मन्त्री गगन थापाले गढीमाई क्षेत्रको विकासका लागि सक्दो सहयोग गर्ने बताउनु भएको छ ।

गढीमाईको पञ्चवर्षीय मेलाको तयारी तीव्र रूपमा भई रहेका बेला बारा सपरिवार सहित दर्शनमा आउनु भएका महामन्त्री थापाले तराई मधेसको समस्या बारे आफू जानकार रहेको बताउनु भयो । गढीमाई क्षेत्रको पर्यटकीय विकासका लागि सरकारलाई ध्यानाकर्षण गराउने उहाँले बताउनु भयो । यस अघि गढीमाई मेला समितिका अध्यक्ष एवम् महागढीमाई नगरपालिकाका नगरप्रमुख उपेन्द्र यादवले महामन्त्री थापालाई गढीमाई क्षेत्रलाई विश्व सम्पदा सुचीमा राख्न र पर्यटकीय विकासका लागि सहयोग गर्न ज्ञापन पत्र समेत दिएको थियो ।

महामन्त्री थापा दुई छोरी श्रीमती सहित जनकपुर छठीमाईको अस्ताउँदो सूर्य दर्शन गरी उदाउँदो सूर्य दर्शन गर्न वीरगन्ज आई पुगेका उनी गढीमाईको दर्शन गरी फर्कन लागेको कार्यक्रममा बताउनु भयो । पहिलो पटक छोरीहरूलाई मधेस घुमाउन ल्याएका थापाले देशका सबै जात जाती र धर्म संस्कृति जान्न सक्नु पर्ने बताउनु भयो ।

गढीमाई मन्दिरमा यसै बर्ष मङ्सिरमा पञ्चवर्षीय मेला लाग्दै छ ।