बागलुङ पिकअप भ्यान दूर्घटना अपडेटः मृतक पाँचै जनाको सनाखत

बागलुङ- बागलुङमा पिकअप जिप दुर्घटना हुँदा पाँच जनाको मृत्यु भएको छ भने एक जना घाइते भएका छन् ।

मृतकहरुमा जिप चालक बागलुङ जैमिनी-८ केवई बस्ने ३८ वर्षीय महेन्द्र पुन, सोही स्थानकी २० वर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षका कुल प्रसाद श्रीष रहेका छन् ।

घाइते बागलुङ जैमिनी -८ का ४५ वर्षीय गंगा बहादुर श्रीषलाई उपचारका लागि बागलुङ अस्पताल लगिदैछ । श्रीषको शरिरको बिभिन्न भागमा चोट लागेको र अवस्था मध्यम रहेको प्रहरीले जनाएको छ ।

जैमिनी नगरपालिका–८ छिस्तीबाट बागलुङ बजार आउँदै गरेको ग २ च ९२४७ पिकअप जिप ढुङ्गेखानी भन्ने स्थानमा आज बिहान दुर्घटनामा परेको हो ।

भ्यान सडकदेखि सात सय मिटरभन्दा तल खसेको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिनुभयो ।