दुर्घटनामा विद्यार्थीको मृत्यु अवस्था तनावग्रस्त

सुनसरी – कोसी राजमार्गको इटहरी खनार सड्क खण्डको शान्ति चौकमा  भएको सवारी दुर्घटनामा एक जना विद्यार्थीको ज्यान गएको छ ।

काकडभिट्टाबाट विराटनगर तर्फ आउँदै गरेको प्रदेश १ .०१.००१ ख ४५७४ नम्बरको नागरिक यातायात बसले सोही दिसाबाट आउँदै गरेको इटहरी स्थित जनता माध्यमिक विद्यालयको कक्षा ९ मा अध्ययनरत सम्झना यादवलाई ठक्कर दिएको हो । बसको ठक्करका कारण यादवको घटना स्थलमा ज्यान गएको छ ।

ठक्कर दिएर भाग्न खोजेको बसलाई स्थानीयले खनार चौकमा नियन्त्रण लिएर आगजनी गरेका छन् । सोही क्रममा भिड नियन्त्रण गर्ने खोज्दा  एक जना प्रहरी समेत घाइते भएका छन् । अपरान्ह करिब ४ वजेर ३० मिनटमा भएको सो घटना पछि खनार चौकको अवस्था तनावग्रस्त बनेको छ । बस चालक इलाका प्रहरी इटहरीको नियन्त्रणमा रहेको प्रहरी जानकारी दिएको छ ।