उपराष्ट्रपतिलाई राष्ट्रिय सभा अध्यक्षको भूमिका दिने गरी संविधान संशोधन हुन्छ: देउवा

काठमाडौँ- नेपाली काँग्रेसका सभापति एवम् पूर्व प्रधानमन्त्री शेर बहादुर देउवाले  राष्ट्रिय सभा अध्यक्षको भूमिका उपराष्ट्रपतिले निर्वाह गर्ने गरी संविधान संशोधन गरिने बताउनु भएको छ।

डेमोक्रे्याटिक लयर्स एशोसियशनको ३५ औँ स्थापना दिवसको अवसरमा आयोजित कार्यक्रममा बोल्दै सभापति देउवाले उपराष्ट्रपतिलाई राष्ट्रिय सभाको अध्यक्षको समेत भूमिका दिने गरी संविधान संशोधन गर्ने विषयमा सत्तारुढ दलहरु बीच छलफल चलेको बताउनु भएको हो ।

संविधान संशोधनको क्रमम संविधानको मुल मर्म संघीयता, समावेशिता, समानुपातिक प्रतिनिधित्व जस्ता विषयहरुमा फेरबदल नुहुँने समेत सभापति देउवाले विश्वास दिलाउनु भयो ।

प्रजातन्त्रको रक्षा गर्न र संविधान कार्यान्वयमा कानुन व्यवासयीहरुको भूमिका अझ महत्वपूर्ण हुने देउवाको भनाइ थियो ।

कार्यक्रममा महामन्त्री गगन कुमार थापाले सरकारमा रहेका दुइ दल फरक -फरक विचार धाराका भएपनि राष्ट्रिय हितको सवालमा साझा निर्णयमा पुग्ने भन्दै सञ्चार माध्यममा आएजस्तो तत्काल सरकारमा कुनै फेरवदल अबवस्था नरहेको स्पष्ट पार्नु भयो ।

कार्यक्रममा नेपाल बार एशोसियशनका अध्यक्ष गोपालकृष्ण घिमिरे, डिएलएका अध्यक्ष सिताराम केसी लगायतका कानुन व्यवसायीहरुले संविधान संशोधन आवश्यक भएको र  संशोधनमा आफ्ना सुझाबहरुलाइ समेटन आग्रह गर्नुभयो ।