पूर्व पश्चिम लोक मार्ग सुचारु 

 मकवानपुर-  मोबिल बोकेको कन्टेनर लहरी दुर्घटना हुँदा अवरुद्ध भएको पूर्व पश्चिम लोक मार्ग सुचारु भएको छ । मकवानपुरको हेटौडा उपमहानगरपालिका १५ चुरियामाईमा वीरगन्जबाट काठमाडौँ जाँदै गरेको प्र.२-०३-००१ख ६७३८ नम्बरको मोबिल बोकेको कन्टेनर लोड लहरी आफै अनियन्त्रित भई दुर्घटना हुँदा करिब ३ घण्टा सडक अवरुद्ध बनेको थियो।

सडकमा नै पल्टिएको लहरी क्रेनको सहयताले खुलाइएको जिल्ला प्रहरी कार्यालय मकवानपुरले जनाएको छ ।

दुर्घटनामा घाइते लहरी चालक मकवानपुरको मनहरि गाउँपालिका ६ बस्ने महेश मोक्तानको हेटौँडा अस्पतालमा उपचार भइरहेको प्रहरी प्रवक्ता श्यामु अर्यालले जानकारी दिनुभयो ।