कविता: कठै मेरो देश !

कठै मेरो देश !               

कतै ज्यालादारीमा खटाउने

कतै कार्यालय सहयोगी बराबर तलब खुवाउने

नर्सिङ पेशालाई बौद्धिक पेशा नदेख्ने

कठै मेरो देश !

स्वदेशमा नर्सिङ जनशक्तिको खडेरी पर्दैछ

अस्पताल र नर्सिङ कलेजमा शून्यता छाउदैछ

दुइ घण्टा नर्स बिना चल्दैनन् कुनै अस्पताल

तर पनि

नर्सिङ पेशालाई बौद्धिक पेशा नदेख्ने

कठै मेरो देश !

२० औ बर्षसम्म एउटै तहमा राखेर

अपमान कति गर्छौ ?

५० बर्ष उमेर पुगिसक्दा पनि

रात्रिकालीन ड्युटीमा कति खटाउँछौ ?

स्नातकोत्तर अनि पि एच डी तिमी

आफै पढाउँछौ नर्सलाई

एक दर्जा कम गरेर काममा

किन खटाउँछौ तिमी नर्सलाई ?

धमाधम नर्सिङ कलेज बन्द हुदाँ

कतिको रोजगारी खोसिन्छ

कतिको पढ्ने पैसा बिदेसिन्छ

न शैक्षिक योग्यताको कदर हुन्छ

न श्रम शोषणको अन्त्य हुन्छ

नर्सिङ पेशालाई बौद्धिक पेशा  नदेख्ने

कठै मेरो देश !

 पोख्रेल  राष्ट्रिय ट्रमा सेन्टरमा कार्यरत हुनुहुन्छ