लुम्बिनी प्रदेश मन्त्रिपरिषद् बैठकः कार्यविभाजन नियमावलीमा हेरफेर गर्ने निर्णय

दाङ- लुम्बिनी प्रदेश सरकारले प्रदेश सरकार कार्यविभाजन नियमावलीमा हेरफेर गर्ने निर्णय गरेको छ ।

मुख्यमन्त्री तथा मन्त्रिपरिषद् कार्यालयमा सोमवार बसेको बैठकले प्रदेश सरकार कार्यविभाजन नियमावलीका ६ वटा विभिन्न बिषयहरुमा सामान्य हेरफेर, थपघट गर्ने निर्णय गरेको सामाजिक विकास मन्त्री जन्मजय तिमिल्सिनाले जानकारी दिनुभयो ।

मुख्यमन्त्री चेतनारायण आचार्यको अध्यक्षतामा बसेको बैठकले सामाजिक विकास मन्त्रालयमा गाभिएको महिला, बालबालिका तथा ज्येष्ठ नागरिक मन्त्रालयको काम तथा जिम्मेवारीको स्वामित्व लिने, नयाँ बनेको युवा तथा खेलकुद मन्त्रालयलाई काम तथा जिम्मेवारी थप्नेगरी कार्यविभाजन नियमावली हेरफेर गरिएको हो ।

प्रदेशमा युवा तथा खेलकुद नयाँ मन्त्रालय बनेको र त्यसलाई जिम्मेवारी थप गर्ने बारेमा नियमावलीले सम्वोधन गरिएको छ । मन्त्रालयहरु बार्षिक स्वीकृत कार्यक्रम कार्यान्वयनमा जुटिरहेको बेला पुरानो कार्यविभाजनले समस्या पारेपछी संसोधन गरेर गाँठो फुकाईएको प्रदेश सरकारले जनाएको छ ।