प्रधानमन्त्री ओली र पूर्व राष्ट्रपति भण्डारीबीच भेटवार्ता

काठमाडौँ- प्रधानमन्त्री केपी शर्मा ओली र पूर्व राष्ट्रपति विद्यादेवी भण्डारीबीच आज भेटवार्ता भएको छ।

प्रधानमन्त्री ओली पूर्व राष्ट्रपति भण्डारीलाई भेट्न उहाँको निवास बुढानीलकण्ठ जानुभएको थियो।

प्रधानमन्त्रीको निजी सचिवालयका अनुसार करिब दुई  घण्टा भएको भेटमा नेकपा (एमाले) को पछिल्लो  राजनीतिक गतिविधि र समसामयिक विषयमा छलफल भएको छ।।