रोल्पामा सुन्तला बोकेको जीप दुर्घटना: चालकको मृत्यु, तीन जना घाइते

दाङ– रोल्पाको त्रिवेणी गाउँपालिका- ४ सिमपानीमा पिकअप जीप दुर्घटना भएको छ ।

रोल्पाको जुंगार देखी दाङ जाने सडक खण्डमा माडी गाउँपालिका-१ पाटि खोला देखि सुन्तला लोड गरी नेपालगंज तर्फ जाँदै गरेको लु १ च ८६८७ नम्बरको पिकअप जीप अनियन्त्रित भई बाटोदेखि करिब २०/२५ मिटर तल खसेको प्रहरीले जनाएको छ ।

दुर्घटनामा परेर सवारी चालक माडी गाउँपालिका-१ भित्ताबाङ बस्ने २० वर्षीय हुकुम घर्ति मृत्यु भएको जिल्ला प्रहरी कार्यालय रोल्पाका प्रहरी निरीक्षक रोहित कुमार शाहीले जानकारी दिनुभयो ।

गाडीमा परिचय नखुलेको ३ जना १३/१४ बर्षका बालिकाहरु रहेको साथै ती बालिकाहरुको अवस्था पनि गम्भीर रहेको बताइएको छ ।