लहान नगरपालिका-२० हरिनगराबाट सलोखरी जोड्ने बाटोमा निर्माण हुँदै पक्की पुल 

लहान-   लहान नगरपालिका-२० हरिनगराबाट सलोखरी जोड्ने बाटोमा पुल (आरसिसी कल्भर्ट) निर्माण हुने भएको छ ।

मेयर महेश चौधरी, वडा अध्यक्ष गणेश चौधरी र काँग्रेस बुथ सभापति विनोद साहले संयुक्त रूपमा शिलान्यास गर्नुभयो । नगरपालिकाको २० लाख रुपैयाँको लागतमा निर्माण कार्य सुरु भएको हो ।

पुल नहुँदा यहाँका किसानलाई खेती र आवतजावतमा कठिनाइ भइरहेको थियो । अब सहज हुने स्थानीयहरू बताएका छन् ।

वर्षौँदेखिको पहलमा अहिले आएर पुल निर्माण हुनलागेको  देखेर आफू खुसी भएको काँग्रेस नेता विनोद साहले बताउनुभयो।