राजकीय पद धारण गरेका सवै नेताको सम्पत्ति छानबिन गरौँ: स्वर्णिम वाग्ले

काठमाडौँ- राष्ट्रिय स्वतन्त्र पार्टी  उपसभापति स्वर्णिम वाग्लेले राजकीय पद धारण गरेका व्यक्तिको सम्पत्ति छानबिनका लागि आयोग गठन गर्नुपर्ने धारणा राख्नु भएको छ ।

प्रतिनिध सभको आजको बैठकमा बोल्दै रास्वपा सांसद वाग्लेले ‘नेपालको जाँचबुझ ऐन अनुसार पूर्वप्रधानन्यायाधीशको संयोजकत्वका राजकीय पद धारण गरेका नेताको सम्पत्ति छानबिनका लागि आयोग गठन गर्नुपर्ने धारणा राख्नु भएको हो ।

‘चलनचल्तीमा आएका सबै काण्डको एक/एक गरेर संसदीय छानबिन समिति माग्छौं । भुटानी शरणार्थीदेखि कम्बोडिया काण्ड, वाइडबडीदेखि एनसेल, बालुवाटारदेखि गिरिबन्धुसम्म छिनोफानो गर्नुपर्ने हुन्छ ।’ वाग्लेले भन्नुभयो ।

सरकारको ७ महिना देश र जनताको हितमा काम गर्नुपर्ने भन्दा पनि अन्य दललाई सिद्धाउन केन्द्रित भएको आरोप वाग्लेको थियो ।

‘समस्या एकातिर छन् । तर, सरकार एउटा पार्टीको एउटा नेताविरुद्ध लागेको छ । सहकारीको ८८ सय करोडको अपचलनमा हुँदा एउटा व्यक्तिमाथि पछि लाग्नु कति उचित छ ?’ संम्बोधनको क्रमम वाग्लेले भन्नुभयो ।