चिसोले झरना, खोला जमेका छन् तर हिमालमा हिउँ छैन

मनाङ- हिमाली क्षेत्र यतिखेर हिउँले सेताम्मे हुनुपर्ने समय हो । तर, अहिले पहाडहरु कालापथ्थरमात्र छन भने हिमाली भेगमा समथर भू-भाग मरुभूमि जस्तै देखिन्छन् ।

सेता हिमश्रृङ्खला कालापत्थरका रुपमा परिणत हुँदै गइरहेका छन् भने खेतबारी सुख्खा हुँदा बिउबिजन उम्रन सकेका छैनन् ।

हिउँकै भरमा यहाँको कृषि कर्म गरिने भएपनि हिउँ नपरेपछि यहाँका किसानलाई खेतीपाती गर्न सकस भएको छ ।

उता हिमालमा हिउँ देखिदैन भने यता अत्यधिक चिसोका कारण झरना, खोला सिसाझै जमेका छन् ।

प्राय: यो मौसममा पर्यटकहरु सेता हिमाल, प्राकृतिक तालतलैया, उच्च पहाडका दृश्यावलोकन गर्न आउने र बेमौसममा पनि यहाँको पर्यटन प्रवर्द्धनमा पर्यटकहरुको महत्वपूर्ण सहयोग हुने गरेकोमा अहिले त्यस्तो अवस्था नभएपछि स्थानीय चिन्तित छन ।

यहाँका जमेका झरना, खोलाको प्रचारप्रसार गर्न सकेमा मनाङ बाह्रै महिना पर्यटकको हब बन्न सक्ने उनीहरुको भनाइ छ ।

पर्यटकहरुका लागि आइस क्लाइम्बिङ्ग, स्केटिङ जस्ता साहसिक खेल आकर्षक बन्न सक्ने भएपनि पूर्वाधार नहुँदा त्यसतर्फ खासै पर्यटकको आकर्षण बढेको छैन ।।