काठमाडौँका चोक-चोकमा चेकजाँचलाई कडाइ गर्दै प्रहरी

काठमाडौँ- होलीमा हुनसक्ने दुर्घटनालाई मध्य नजर गर्दै प्रहरीले काठमाडौँ उपत्यकाको सुरक्षा व्यवस्थालाई कडा पारेको छ ।

बलजफ्ती अरुलाई रंग लगाउने र पानी खन्याउने काम रोक्न प्रहरीको जाँचले सहयोग पुर्‍याएको छ । त्यसैले उपत्यकामा होली यसपटक बढी सभ्य देखिएको छ ।

त्यसैगरी, होलीमा मादक पदार्थ सेवन गरेर सवारी चलाउनेहरुलाई पनि ट्राफिक प्रहरीले कडाइ गरेको छ।

सडकका चोकचोकमा प्रहरी र ट्राफिकको बाक्लो उपस्थिति छ ।

सडकमा होहल्ला गर्ने र मादकपदार्थ खाएर सवारी चलाउनेहरुलाई कारवाही गर्ने भन्दै प्रहरीले यसअघि नै सूचना जारी गरेको थियो ।।