भक्तपुरमा एक जना मृत फेला, हत्या आशङ्का

भक्तपुर – एक जना मृत अवस्थामा फेला परेका छन् । आज बिहान मध्यपुरठिमी नगरपालिका– ९ बोडे निलबाराहीस्थित पिकनिक स्पटको पार्किङमा मृत फेला परेका हुन् ।
खोटाङ केपिलासगढी गाउँपालिका–२ घर भई बोडे बस्ने ६६ वर्षीय ओमप्रकाश राई मृत अवस्थामा फेला परेको जिल्ला प्रहरी परिसर भक्तपुरका डिएसपी ढुण्डिराज न्यौपानेले बताउनु भयो । राईको दाइने कानको छेउ र टाउकोमा चोट लागेका कारण हत्या भएको हुन सक्ने प्रहरीले आशङ्का गरेको छ । घटनाका बारे थप अनुसन्धान अघि बढाइएको प्रहरी परिसर भक्तपुरले जनाएको छ ।
प्रतिक्रिया राख्नुहोस्