महानगरपालिकाको जरिवाना पत्र बुझ्न निर्मल निवासले गर्‍यो अस्वीकार

काठमाडौँ-  निर्मल निवासले काठमाडौँ महानगरपालिकाको जरिवाना पत्र बुझ्न अस्वीकार गरेको छ ।

कार्यक्रम आयोजक निर्मल निवास नभएकाले आयोजकलाई पत्र बुझाउन निबासको सचिवालयका सदस्यहरूले महानगरबाटबाट खटिएका कर्मचारीलाई आग्रह गर्नुभएको थियो ।

महानगरपालिकाको टोली पूर्व राजा ज्ञानेन्द्र शाहलाई तोकिएको ७ लाख ९३ हजार जरिवाना गरिएको पत्र लिएर निर्मल निवास गएको थियो । पत्र बुझ्न नमानेपछि टोली यत्तिकै फर्केको छ ।

गत शुक्रवार राजावादीहरूको प्रदर्शनको क्रममा भएको भएको फोहोर र तोडफोड र दमकल प्रवेश गर्न नदिइएको विषयमा महानगरले ७ लाख ९३ हजार जरिवाना तोकेको छ ।