नुवाकोटको इदगाहमा मनाए  मुस्लिमहरूले इद उलफित्र

त्रिशूली-  नुवाकोटको विभिन्न स्थानमा रहेका मुस्लिम समुदायले सोमवार इदुलउलफित्र मनाएका छन् । इस्लाम धर्मावलम्बीहरूले नुवाकोटका विभिन्न स्थानमा हसोल्लास पूर्वक इद (इद उल फित्र) पर्व मनाएका हुन् ।

 इस्लाम धर्मावलम्बीहरूले आफ्नो मुख्य पर्व इदउल फित्र मनाएका हुन् । मुस्लिम समुदायको उल्लेख्य बसोबास रहेको नुवाकोटमा इदुलउलफित्रको छुट्टै रौनकसाथ मनाइएको हो ।

पर्वका अवसरमा इस्लाम धर्मावलम्बीहरूले नजिकैका मस्जिदमा पुगेर नमाज पढी आपसमा शुभकामना साटासाट गरेर सामूहिक रूपमा इद उलफित्र पर्व मनाएका छन् । इद उल फित्रलाई इस्लाम धर्मावलम्बीहरूले दुस्मनहरूसँग समेत शुभकामना साट्ने पर्वका रूपमा लिने गरेका छन् ।

पर्वका अवसरमा विभिन्न स्थानमा नुवाकोटमा रहेका मुस्लिम समुदायको भीड लागेको थियो ।  हजारौँ सर्वसाधारण त्रिशूली बजार स्थित इदगाहमा प्रार्थनाका लागि पुगेका थिए ।

यसका साथै देवी घाट, रानीपौवा वजारलगायतका स्थानमा रहेका स्थानमा पनि मुस्लिम समुदायले प्रार्थना गर्दै आफ्नो पर्व मनाएका छन् ।  मस्जिदमा उपस्थित भएका इस्लाम धर्मावलम्बीहरूले नमाज पढेपछि गला मिलाएर इद मुबारक भन्दै शुभकामना साटासाट गरे ।

 मस्जिदमा शुभकामना साटासाट गरेपछि घरमा गएर प्रसाद खाई परिवारका सदस्यबिच तीन दिनसम्म खुसीयाली मनाउने चलन रहेको इस्लाम धर्मावलम्बीहरूले बताएका छन् । नुवाकोटको त्रिशूली, देवी घाट लगायतका स्थानका मस्जिदमा सामूहिक प्रार्थना गर्ने र शुभकामना साटासाट गर्नेहरूको भिड लागेको थियो ।

इद पर्वसँगै बसेको व्रतले ईश्वर खुसी हुने परिवारमा सुख शान्ति मिल्ने परम्परा र  विश्वास रहेको देवी घाटका सकिल खानले बताउनुभयो।

उहाँले इद पर्वका अवसरमा इस्लाम धर्मावलम्बीहरूले नजिकैका मस्जिदमा पुगेर नमाज पढेर एक आपसमा शुभकामना साटासाट गर्ने इस्लाम धर्मावलम्बीहरुको परम्परा रहेको वताउनुभयो ।

मस्जिदमा उपस्थित भएका इस्लाम धर्मावलम्बीहरूले नमाज पढेपछि अंकमाल गर्दै इद मुबारक भन्दै शुभकामना साटासाट गरेका थिए । यस पर्वलाई इस्लाम धर्मावलम्बीहरूले दुस्मनहरूसँग समेत शुभकामना साट्ने र घरमा गएर प्रसाद लिएर परिवारका सदस्यबिच खुसीयाली मनाउने चलन रहेको बट्टारका फैसल दिनले बताउनुभयो ।

धार्मिक विविधता र सद्भावको जिल्लाका रूपमा चिनिएको नुवाकोटमा ईदमा गैर मुस्लिम समुदाय पनि उत्तिकै रमाउने गरेका छन् । इदगाहमा प्रार्थना चलिरहादा छेवैमा टेन्ट राखेर हिन्दुहरूले पनि उनीहरूलाई सहयोग गरिरहेका थिए ।

नुवाकोटमा विभिन्न समुदायका व्यक्तिहरू पनि ईदमा शुभकामना दिन इदगाह पुगेका थिए । पानी पनि नपिएर व्रतपछि मनाइने इदुलउलफित्र मुस्लिम समुदायको सबैभन्दा ठुलो पर्व हो ।