सडकको पहुँच भर्खरै पुगेको हाकु गाउँमा सुविधा सम्पन्न एम्बुलेन्स संन्चालन
रसुवा – सडकको पहुँच भर्खरै पुगेको रसुवाको आमाछोदिङ्मो गाउँपालिका एक हाकुमा सुविधा सम्पन्न एम्बुलेन्स संन्चालन भएको छ ।
जिल्लामा निर्माणाधीन २१६ मेगावाट क्षमताको माथिल्लो त्रिशूली–१ जलविद्युत् आयोजनाले आयोजना प्रभावित बासिन्दाहरूलाई एम्बुलेन्स हस्तान्तरण गरे सँगै हाकुमा सुविधा सम्पन्न एम्बुलेन्स संन्चालन भएको हो ।
आयोजनाको सामुदायिक सहयोग कार्यक्रम अन्तर्गत प्रदान गरिएको एम्बुलेन्स आयोजना प्रभावित आमाछोदिङमो गाउँपालिका–१ हाकुस्थित हाकु हेल्थ पोस्टले सञ्चालन गर्नेछ ।
ग्रामीण बस्तीहरूमा बसोबास गर्ने विपद्, दुर्घटना परेका घाइते, एवं गम्भीर प्रकृतिका रोगबाट प्रभावित,सुत्केरी लगायत आयोजना प्रभावित क्षेत्रका बासिन्दालाई मानवीय सेवा पुर्याउन एम्बुलेन्स प्रदान गरिएको माथिल्लो त्रिशूली–१ जलविद्युत् आयोजनाका सहायक प्रबन्धक विप्लव खड्काले बताउनुभयो ।
कोरियन कम्पनीको अगुवाइमा प्रत्यक्ष वैदेशिक लगानीमा निमार्णाधिन जलविद्युत आयोजनाको प्रवर्धक नेपाल वाटर एन्ड इनर्जी डेभलप्पमेन्ट कम्पनी प्रालिका प्रमुख कार्यकारी अधिकृत (सिइओ) बायोङ सु मिनल ले चैत्र १८ गते सोमबारको हाकुमा आयोजित कार्यक्रममा एम्बुलेन्सको चाबी गाउँपालिकाका अध्यक्ष बुचुङ तामाङलाई हस्तान्तरण गरे सँगै हाकुमा सुविधा सम्पन्न एम्बुलेन्स संन्चालन भएको हो ।
हेल्थ पोस्टले सञ्चालन गर्ने एम्बुलेन्सबाट आयोजना प्रभावित क्षेत्रका बिरामी तथा घाइतेलाई समयमै अस्पताल सम्म पुर्याई जीवन रक्षा गर्न ठुलो सहयोग पुग्ने अपेक्षा गाउँपालिकाले लिएको गाउँपालिकाका अध्यक्ष तामाङले बताउनुभयो ।
प्रतिक्रिया राख्नुहोस्