बाढीले घर बगाउँदा महिला बेपत्ता

नुवाकोट-  नुवाकोटको पूर्वी भेगमा रहेको ओखरपौवाको गंंगरवगरमा भलवाढीले बगाउँदा एक महिला बेपत्ता भएकी छन् । उनका श्रीमान् घाइते भएका छन् ।

सदरमुकाम विदुरदेखि ५० किलोमिटर पूर्वमा रहेको  ककनी गाउँपालिका–१ ओखरपौवास्थित बगरमा अविरल वर्षासगै आएको भलवाढीले घर बगाउँदा एक महिला बेपत्ता भएकी हुन् । उनका श्रीमान् घाइते भएको वडाध्यक्ष पदमबहादुर बलामीले जानकारी दिनुभयो ।

उहाँका अनुसार अविरल वर्षाको कारण स्थानीय बिमचा खोल्सामा आएको भलबाढीले घर बगाउँदा ३३ वर्षीय कमला बलामी बेपत्ता भएकी हुन् । उनका श्रीमान् ३५ वर्षीय आकाश बलामी घाइते भएका छन् ।

आकाशको काठमाडौँमा उपचार भइरहेको प्रहरीले जनाएको छ ।