नेपाली कांग्रेस बागमती संसदीय दलको नेता चयनका लागि मतदान सुरु

मकवानपुर-  नेपाली कांग्रेस बागमती प्रदेश संसदीय दलको नेता चयनका लागि मतदान सुरु भएको छ। प्रदेशसभा भवन परिसरमा केहीबेर अगाडी बाट मतदान प्रक्रिया सुरु भएको हो ।

संसदीय दलको नेताका लागि मुख्यमन्त्री बहादुर सिंह लामा र नेपाली कांग्रेस बागमती प्रदेश सभापति इन्द्रबहादुर बानियाँ प्रतिस्पर्धामा रहनु भएको छ ।

मतदान सम्पन्न भएलगत्तै मतगणना सुरु हुने र आजै परिणाम सार्वजनिक गरिने निर्वाचन संयोजक हरिकृष्ण श्रेष्ठले बताउनुभयो। यसअघि २०७९ सालमा पनि यी दुई नेताबीच संसदीय दलको नेतृत्वका लागि प्रतिस्पर्धा भएको थियो। सो प्रतिस्पर्धामा बहादुरसिंह लामा विजयी हुनुभएको थियो।