किएभमा भएको रूसी आक्रमणमा आठ जनाको मृत्यु

युक्रेनको राजधानी किएभमा भएको रूसी आक्रमणमा कम्तिमा आठ जनाको मृत्यु भएको बताइएको छ ।

अमेरिकी राष्ट्रपति डोनाल्ड ट्रम्पले युद्धविरामका लागि दबाब दिएपनि रूसले युक्रेनी सहरहरूमा आक्रमण गरिरहेको छ ।

आपतकालीन सेवाका कर्मचारीहरूले सडकबाट भग्नावशेष सफा गरिरहेको एएफपीले जनाएको छ ।

आक्रमणले एउटा अपार्टमेन्ट भवन क्षतिग्रस्त भएको तस्विर जेलेन्स्कीले पोस्ट गर्नु भएको थियो ।

यसैविच जेलेन्स्कीले युक्रेनका सहयोगीहरूलाई नयाँ प्रतिबन्धहरूसहित कडा प्रतिक्रिया जनाउन आह्वान गर्नुभएको छ ।

युद्धको सुरुमा किएभ रूसी आक्रमणबाट अपेक्षाकृत रूपमा सुरक्षित भएपनि पछिल्लो समयमा मस्कोले ड्रोन र मिसाइलहरू प्रहार गर्दा घातक आक्रमणको सिकार भएको छ ।

गत महिना आक्रमणमा पाँच बालबालिका सहित ३० जनाभन्दा बढीको मृत्यु भएको थियोे ।

मस्कोले आवासीय भवनहरूलाई लक्षित गरी ब्यालेस्टिक र क्रुज मिसाइलका साथै इरानीे साहेद ड्रोनहरू प्रहार गरेको उहाले बताउनुभएको छ ।

क्रेमलिनले जेलेन्स्की र रुसी राष्ट्रपति भ्लादिमिर पुटिनबिचको द्रूत बैठकको सम्भावनालाई अस्वीकार गरेको एक दिन पछि यो आक्रमण भएको हो ।।