एक महिनादेखि अवरुद्ध कोदारी राजमार्ग आजबाट खुल्यो

काठमाडौँ- नेपाल–चीन जोड्ने कोदारी राजमार्ग  सञ्चालनमा आएको छ। सडक डिभिजन चरिकोटबाट खटिएको यन्त्र उपकरणसहितको प्राविधिक टोलीले बिभिन्न स्थानमा गएको पहिरो पन्छाएसँगै आजबाट राजमार्ग सुचारु भएको हो ।

अरनिको राजमार्गको वाह्रबिशे कोदारी सडक खण्डको बिभिन्न पाँच ठाँउमा पहिरो खसेर गत साउन १७ गते देखि सडक अवरुद्ध थियो । बीचमा केही दिन आंशिक रुपमा सडक संचालनमा आएपनि भदौ ८ गते देखि सडक पूर्णरुपमा बन्द भएको थियो ।

पहिरोका कारण करिव २०० घर जोखिममा परेपछी स्थानीयले समेत सडक संचालनमा रोक लगाएका थिए तर सडक डिभिजन कार्यालय चरिकोटको पहलमा प्रमुख जिल्ला अधिकारी, सुरक्षा निकायका प्रमुख, स्थानियवासी ,उद्योग बाणिज्य संघका प्रतिनिधि लगायतको भेलाले सडक संचालन गर्ने सहमति गरेपछी असोज ३ गते देखि पहिरो पन्छ्याउने कामलाइ तिब्रता दिइएको थियो ।

यसक्रममा सडक खुलाउनका लागि ३ वटा एक्स्काभेटर, ३ वटा लोडर र ४० जना मजदुर सहयोगमा अवरुद्ध सडक खुलाइएको  सडक डिभिजन कार्यालय चरिकोटका प्रमुख नारायण दत्त भण्डारीले जानकारी दिनु भयो ।

राजमार्ग पुन संचालनमा ल्याइसागै मुख्य चाँड पर्वको बेला सडक अवरुद्ध हुँदा चीनबाट आयात बन्द हुने हो कि भन्ने चिन्ता हटेको छ ।  लामो समयदेखि सडक अवरुद्ध हुदा सामान बोकेका ट्रकहरु नेपाल भित्रन सकेका थिएनन । रसुवागढी नाका समेत बन्द भएको अवस्थामा दशैका बेला नेपाल र चीन जोडने कोदारी राजमार्ग खुलेसँगै यात्रुलाइ मात्र नभै दुईदेश बीचको ब्यापार पनि सहज हुने भएको छ ।