सुदूरपश्चिमका मुख्यमन्त्री शाह अस्वस्थ, उपचारका लागि नयाँ दिल्ली प्रस्थान

 मुख्यमन्त्री शाहको दायाँ खुट्टामा रीढको हड्डी र नसा सम्बन्धी समस्या देखिएपछि केही दिनदेखि हिँडडुल गर्नसमेत कठिनाइ भएको सचिवालयले जनाएको छ ।

 धनगढीस्थित सेती प्रादेशिक अस्पतालमा प्रारम्भिक उपचार गर्दा पनि अवस्था सुधार नआएपछि उहाँ काठमाडौँ जानु भएको थियो । काठमाडौँमा पनि पूर्ण रूपमा निको नदेखिएपछि चिकित्सकको सल्लाहअनुसार थप उपचारका लागि नयाँ दिल्ली जाने निर्णय गरिएको उहाँको सचिवालयले जनाएको छ ।