सुदूरपश्चिम रोयल्सले लुम्बिनी लायन्सलाई दियो ८६ रनको लक्ष्य

काठमाडौँ- नेपाल प्रिमियर लिग एनपिएल को उपाधि भिडन्तका लागि भएको खेलमा सुदूरपश्चिम रोयल्सले लुम्बिनी लायन्ससामु ८६ रनको लक्ष्य प्रस्तुत गरेको छ ।

कीर्तिपुरस्थित त्रिभुवन विश्वविद्यालयको अन्तरराष्ट्रिय क्रिकेट रङ्गशालामा  टस जितेर पहिला ब्याटिङ रोजेको  सुदूरपश्चिम रोयल्सले १९.१ ओभरमा ८५ रन बनाउँदै अलआउट भयो ।

सुदूरपश्चिमका लागि ईशान पाण्डेले सर्वाधिक ३३ रन जोडे । उनले ५१ बलमा एक चौकाको सहयोगमा ३३ रन जोडेका हुन् । यस्तै, कप्तान दिपेन्द्रसिंह ऐरीले १३ रन बनाए भने हरमीत सिंह र स्कट कुगेलिइनले समान १०र १० रन जोड्न सके । त्यसबाहेक अन्य ब्याट्सम्यानहरूले दोहिरो अङ्कमा रन जोड्न सकेनन् ।