नोबेल पुरस्कार विजेता ताकाआकी काजिता दीक्षान्त समारोहका प्रमुख अतिथि

काठमाडौँ- त्रिभुवन विश्वविद्यालयको ५१ औँ दीक्षान्त समारोह अहिले सुरु भएको छ।

विश्वविद्यालयको इतिहासमा पहिलोपटक आज नोबेल पुरस्कार विजेतालाई प्रमुख अतिथि बनाएर दीक्षान्त आयोजना गर्न लागिएको विश्वविद्यालयका उपकुलपति दीपक अर्यालले जानकारी दिनुभएको छ ।

समारोहमा नोबेल पुरस्कार विजेता जापानी प्राध्यापक ताकाआकी काजिता प्रमुख अतिथिका रूपमा सहभागी हुनुहुन्छ । टोकियो विश्वविद्यालयमा आबद्ध उहाँले सन् २०१५ को भौतिकशास्त्रतर्फ नोबेल पुरस्कार पाउनुभएको थियो ।

यसपटक त्रिविका १६ हजार ३०० भन्दा बढी विद्यार्थी दीक्षित हुने जनाइएको छ ।

दीक्षान्त समारोहमा विद्यार्थी र अभिभावकसहित ४१ हजार व्यक्ति सहभागी हुनेछन ।

विश्वविद्यालयबाट स्नातक, स्नातकोत्तर, दर्शनाचार्य र विद्यावारिधि तह पार गरेका ८९ हजार १९१ जनालाई दीक्षान्तसँगै मूल प्रमाणपत्र प्रदान गरिनेछ ।

तीमध्ये १६ हजार ३८० जना विद्यार्थीले दीक्षान्त समारोहमा सहभागिताका लागि निवेदन दिएका उपकुलपति अर्यालले बताउनुभयो ।।