बालबालिकाहरुका लागि ज्वालामुखी गाउँपालिकाको नयाँ कार्यक्रम

धादिङ- ज्वालामुखी गाउँपालिकाले आफ्नो स्थानीय तह भित्र रहेका बालबालिकाहरुको लागि खानेपानी स्वास्थ्य तथा सरसफाई र पोषण सम्वन्धी नयाँ कार्यक्रमको सुरुवात गरेको छ ।

नवजात शिशु ,र पाँच वर्ष मुनीका बालवालिकाहरुको मृत्यु दर र मातृ मृत्युदर शुन्य बनाउने उदेश्यका साथ कार्यक्रको सुरुवात गरिएको गाउँपालिकाका अध्यक्ष यमनाथ दनैले जानकारी दिनुभयो ।

यसका लागि मातृ शिशु तथा किशोरी स्वास्थ्य प्रवर्द्धन, पोषण तथा खाद्य सुरक्षा र खानेपानी, सरसफाई तथा स्वच्छताको प्रवद्धन गर्ने पहिलो र प्रमुख लक्ष्य रहेको अध्यक्ष दनैले बताउनुभयो।

नयाँ कार्यक्रममा म्याक्स फउण्डेशन बंगलादेशको आर्थिक तथा प्राविधिक सहयोगमा स्थानीय  ज्वालामुखी गाउँपालिका र जिल्लामा कार्यकरत फोकश नेपाल नामक एक गैर सरकारी संस्थाले संयुक्त रुपमा काम गरिरहेका छन।।