सिरहामा खेत जोतिरहेका किसानको गोली हानी हत्या

सिरहा – सिरहा नगरपालिका–१ का ४५ वर्षीय प्रेमनाथ यादवको गोली प्रहारबाट मृत्यु भएको छ।

वडा नम्बर ७ स्थित मैनाबत्ती खोला किनार नजिक आफ्नै खेतमा ट्र्याक्टर चलाइरहेका बेला अज्ञात व्यक्तिले उनलाई गोली हानेका हुन्।

घटनास्थलमै यादवको ज्यान गएको प्रहरीले जनाएको छ। जिल्ला प्रहरी कार्यालय सिरहाका अनुसार घटनाको कारण र संलग्न व्यक्तिबारे खुल्न सकेको छैन। प्रहरीले घटनास्थल सुरक्षित गरी थप अनुसन्धान अघि बढाएको छ।