तेह्रथुममा नेपाली काँग्रेसका सन्तोष सुब्बा विजयी

काठमाडौँ- प्रतिनिधिसभा सदस्यको निर्वाचनमा तेह्रथुमबाट नेपाली काँग्रेसका सन्तोष सुब्बा विजयी हुनुभएको छ । सुब्बाले ११ हजार ५६१ मत प्राप्त गर्दै विजयी हासिल गर्नुभएको हो ।

उहाँका निकटम प्रतिद्वन्द्वी नेकपा (एमाले)का भानुभक्त ढकालले १० हजार ६८२ मत प्राप्त गर्नुभयो ।

विसं २०३४ सालमा तेह्रथुम म्याङलुङ नगरपालिका क्याम्पस टोलमा जन्मिनु भएका ४८ वर्षीय सुब्बा करिब तीन दशकदेखि काँग्रेस राजनीतिमा सक्रिय हुनुहुन्छ ।

२०५२ सालदेखि कांग्रेसका क्रियाशील सदस्य उहाँ राजनीतिमा प्रवेश गर्नुअघि उहाँ सामाजिक गतिविधिमा सक्रिय रहँदै आउनु भएको थियो ।

सुब्बा शुरुमा कांग्रेसका भ्रातृ संगठन नेपाल तरुण दलमा आवद्ध भएर जिल्लमा दुई कार्यकाल तरुण दल अध्यक्ष भएर नेतृत्व गर्नु भयो ।

त्यसपछि उहाँ कांग्रेस तेह्रथुमको निर्वाचित कोषाध्यक्ष बन्नुभयो ।

कांग्रेसको १३औं महाधिवेशनबाट जिल्ला सचिवमा निर्वाचित सुब्बाको यो पहिलो संसदीय यात्रा हो ।।