सुर्खेत-२ बाट रास्वपाका रमेशकुमार सापकोटा विजयी

काठमाडौँ- प्रतिनिधि सभा निर्वाचन अन्तर्गत सुर्खेत-२ बाट रास्वपाका रमेशकुमार सापकोटा निर्वाचित हुनुभएको छ । उहाँ ३०८२६ मतसहित विजयी हुनुभएको हो । उहाँका निकटतम् प्रतिद्वन्द्वी नेपाली काँग्रेसका नारायण कुमार कोइरालाले १६३९२ मत प्राप्त गर्नुभएको छ ।

४६ बर्षीय सापकोटा पूर्व काँग्रेस पृष्ठभूमिका नेता हुनुहुन्छ । रास्वपा प्रवेशअघि उहाँ काँग्रेस वीरेन्द्रनगर नगर समितिको सचिव हुनुहुन्थ्यो ।

उहाँ पेशाले यातायात व्यवसायीसमेत हुनुहन्छ । २५ वर्षदेखि सुर्खेत र समग्र कर्णालीको यातायात क्षेत्रमा नेतृत्वदायी भूमिकामा निर्वाह गर्नु भएको थियो।

काँक्रेबिहार यातायात प्रालिको अध्यक्ष तथा नेपाल यातायात व्यवसायी राष्ट्रिय महासंघ कर्णाली प्रदेशको संयोजकको जिम्मेवारी सापकोटाले सम्हाल्नु भएको छ ।

१५ मंसिर २०३६ मा साविक सुर्खेतको साटाखानी गाविसमा जन्मिनु भएका सापकोटाले एसएलसीसम्मको अध्ययन पूरा गर्नु भएको छ।।