हिजो १०५ अङ्कले घटेको नेप्से, आज ८३ अङ्कले बढ्यो

काठमाडौँ- हिजो १०५ अंकले घटेको सेयर बजारमा आज फेरि उच्च अंकको बृद्धि भएको छ । आज नेप्से परिसूचक ८३ दशमलव ३३ अंकले बढेको छ।

बजार बढेसँगै परिसूचक २७६० अंकमा पुगेको छ । आज करिव ११ अर्ब रुपैयाँ बराबरको कारोबार भयो ।

अघिल्लो दिन उच्च अंक बजार घटेपछि आज बिहान स्टक ब्रोकर एसोसिएसन अफ नेपालका पदाधिकारीसँग भेटवार्ता गरी अर्थमन्त्री स्वर्णिम वाग्लेले बजारमा फैलिएको अनावश्यक हल्लाको पछि नलाग्न आग्रह गर्नुभएको थियो ।।