आज उपसभामुख चुनिँदै

काठमाडौ- प्रतिनिधिसभाको उपसभामुख आज चुनिदै छ । प्रतिनिधिसभाको आज अपरान्ह बस्नै बैठकबाट पदका लागि उम्मेदवारी दिनुभएका सासंसदहरु मध्येबाट उपसभामुख चुनिने संसद सचिवालयले जनाएको छ ।

उपसभामुख बन्न श्रम संस्कृती पार्टीको तर्फबाट सांसद रूविकुमारी ठाकुर र राष्ट्रिय प्रजातन्त्र पार्टी राप्रपाबाट सांसद सरस्वती लामाले उम्मेदवारी दर्ता गराउनुभएको छ । प्रतिनिधिसभामा १८२ सीट रहेको राष्ट्रिय स्वतन्त्र पार्टीले उपसभामुखमा श्रम संस्कृती पार्टीलाई सघाउने निर्णय गरेको छ ।

रास्वपाको यो निर्णयले श्रम संस्कृती दलकी ठाकुर उपसभामुख बन्ने निश्चित भएको छ । यसअघि यसै साता प्रतिनिधिसभाको सभामुखमा रास्वपाकै डोल प्रसाद अर्याल निर्विरोध निर्वाचित हुनुभएको थियो । संविधानले प्रतिनिधिसभाको सभामुख र उपसभामुख फरक दल र फरक लिङ्गको हुनुपर्ने व्यवस्था गरेको छ ।