तातो हावा र अत्यधिक गर्मीले तराई लगाएत रौतहटको जनजीवन प्रभावित

रौतहट – दिनदिनै बढ्दै गएको गर्मी र तातो हावाको कारण तराई लगाएत रौतहटको जनजीवन प्रभावित बनेको छ ।

विगत केहि दिनदेखि बिहानैबाट तातो हावा चल्ने र दिउँसो तापक्रम ४० डीग्री सेल्सियससम्म पुगेपछि सर्वसाधरण घर बाहिर निस्कन सकेका छैनन् ।

अत्यावश्यक काम बाहेक बाहिर निस्कन सक्ने अवस्था नरहेको स्थानीय हरूले बताए । सोमबार दिउँसो १ बजे सदरमुकाम गौरमा ४० डिग्री सेल्सियस तापक्रम मापन भएको छ ।

किसानले लगाएको हिउँदे बाली अत्यधिक सुक्खाका कारण सुक्न थालेको छ । दैनिक मजदुरी गरेर खानेको परिवारलाई तातो हावाको कारण काम गर्न असहज भएको छ ।

नयाँ शैक्षिक सत्रको सुरुआतमा नै गर्मी भएपछि विद्यालयको पठनपाठन पनि प्रभावित भएको छ

तातो हावा चलेसँगै शरीरमा विभिन्न समस्याका केही बिरामीहरु आउन थालेको गढीमाई न.पा स्वास्थ्य शाखा प्रमुख धर्मेन्द्र सहनी बताइएको छ ।

तातो हावाले सुक्खा हुँदा शरीरमा पानीको मात्रा कम हुने हुँदा प्रशस्त मात्रामा पानी पिउन चिकित्सकले सुझाब दिएका छन् ।