ठमेल पर्यटन विकास परिषदमा मिलनको उमेदवारी चर्चामा

काठमाडौँ- नेपालकै चर्चित पर्यटकीय क्षेत्र भनेर चिनिने काठमाडौँको ठमेलमा यतिखेर पर्यटन व्यवसायीहरु नेतृत्व चयनको रस्साकस्सीमा छन ।

यसैक्रममा पर्यटन क्षेत्रमा लामोसमयदेखि शशक्त रुपमा लागि परेका युवा व्यवसायी दिलिप कंडेल (मिलन)को उमेदवारी दिने घोषणाले चुनावी सारगर्मी ह्वात्तै बढेको छ ।

सानै उमेरदेखि संघर्ष गरेर परिचित व्यवसायीको पहिचान बनाएका मिलनले ठमेल पर्यटन विकास परिषदको निर्वाचनमा सचिव पदमा उमेदवारी दिने तयारी गरेका छन ।

पर्यटन क्षेत्रमा मात्र नभई समाजसेवाको क्षेत्रमा पनि लागि परेका मिलन ठमेल पर्यटनलाई समृद्ध, सुरक्षित  र पर्यटनमैत्री बनाउने अभियान नै चलाउने उद्घोषका साथ चुनावी मैदानमा होमिएका हुन् ।

समृद्ध ठमेल, आकर्षक पर्यटन आफ्नो प्रतिबद्धता भएको उनले नेपालटिभीअनलाइनलाई बताए ।

निर्वाचन एउटा काम गर्ने हुटहुटी हुनेहरुबीचको प्रतिश्पर्धा भएको भन्दै कंडेलले आफू निर्वाचित भए समग्र ठमेलको समृद्धि र विकासमा अहोरात्र खटिने प्रतिवद्धता व्यक्त गरेका छन।

आफूले युवा व्यवसायीहरुको भावना र पर्यटकको सेवा सत्कारमा दिन रात नभनी काम गर्ने बाचा गरेको भन्दै मिलनले अब व्यवसायमा पार्दर्शीता र स्वच्छ प्रतिश्पर्धा पनि उत्तिकै जरुरी भएको बताएका छन् ।

ठमेल पर्यटन विकास परिषदको निर्वाचन यही असार २७ गते हुँदैछ । यसका लागि यही २४ गते उमेदवारहरुले मनोनयन गर्ने कार्यक्रम रहेको छ ।।