सर्लाही गौडेताका विवेक मण्डलले गरे पेट्रोल छर्केर आत्मदाहको प्रयास

काठमाडौँ- सर्लाही गोडैता नगरपालिका-१० स्थित सिसैट टोलका ३६ बर्षीय  विवेक मण्डलले आज शरिरमा आगो लगाएर आत्मदाहको प्रयास गरेका छन । उनले आज दिउँसो शरिरमा पेट्रोल खन्याएर आत्महत्याको प्रयास गरेको प्रहरीलाई उद्दत गर्दै हाम्रा सर्लाही संवाददाता रोशन न्यौपानेले नेपालटिभीअनलाइनलाई जानकारी दिएका छन ।

जलेर घाइते भएका मण्डललाई उपचारका लागि अहिले प्रादेशिक अस्पताल मलंगवामा राखिएको छ ।

थप उपचारका लागि काठमाडौँबाट हेलिकोप्टर मगाइएको प्रहरीले जनाएको छ । उनले शरिरमा पेट्रोल खन्याएर आत्मदाह गर्न खोजेको र शरिरमा आगो बलेको देखेपछि स्थानीयले प्रहरीलाई खबर गरेका थिए ।

हिजो मात्र काठमाडौँमा मुगुका गणेश नेपालीले आत्मदाहको लागि प्रयास गरेका र उनको आज मात्र काठमाडौँमा मृत्यु भएको थियो ।

दिन दिनै जसो आत्मदाहको घटना हुनुले देशमा विद्यमान गरिबी, बेरोजगार र समस्याको जालो नेपाली समाजमा कति जगडिएको छ भन्ने कुरा उजागर पारिदिएको छ ।।