सुनसरी र सिरहामा प्रदर्शनको क्रममा मृत्यु भएका ४ जनालाई शहीद घोषणा गर्ने निर्णय

काठमाडौँ- सरकारले पछिल्लो समय सुनसरी र सिरहाको घटनामा मृत्यु भएकाहरुलाई शहीद घोषणा गर्ने निर्णय गरेको छ।

पछिल्लो समय सुनसरीको घटनमा मृत्यु भएका ३ जना र सिरहामा मृत्यु भएका १ जना गरी ४ जनालाई शहीद घोषणा गर्ने निर्णय भएको सरकारका प्रवक्ता एवं शिक्षा मन्त्री सस्मित पोखरेलले जानकारी दिनुभएको हो ।

सुनसरीको घटनामा ओमप्रकाश मेहता, रविन्द्रकुमार मेहता र जयप्रकाश मेहता तथा सिरहामा गणेश यादवको प्रदर्शनको क्रममा मृत्यु भएको थियो ।।